Државниот врв утре ќе ја одбележи 20-годишнината од смртта на претседателот Борис Трајковски

Фото: Влада на Република Северна Македонија

Владата утре ќе ја одбележи 20-годишнината од авионската несреќа во која животот го загуби поранешниот претседател, Борис Трајковски, членовите на неговиот кабинет и екипажот на авионот.

На овогодишното одбележување во Бутел со почеток во 12 часот, на гробот на поранешниот претседател на Македонија, Борис Трајковски, ќе присуствуваат и ќе положат цвеќе сопругата Вилма Трајковска со членови од семејството, претседателот Стево Пендаровски, делегација на Собранието предводена од претседателот, Јован Митрески, делегација на Владата, составена од вицепремиерката Славица Грковска и Ристо Пенов, министер за локална самоуправа. Потоа делегација на Армијата, како и делегација на Сојуз на борци од НОАВМ предводена од Наум Бурески, потпретседател на Главен одбор на СБМ – се вели во соопштението од Влада.

Стево Пендаровски положи цвеќе на гробот на Борис Трајковски

Во Ротимље, близу Мостар, Босна и Херцеговина на спомен обележјето каде што се случи несреќата, во 10 часот ќе положат цвеќе претставници од владината делегација составена од министерката за култура, Бисера Костадиновска Стојчевска и Каја Шукова, министерка за животна средина и просторно планирање и претставник од Кабинетот на Пендаровски, полковник Билјана Блажеска, аѓутант на Претседателот.

Фото: EPA PHOTO BELGA/GERARD CERLES/fob

Од Влада информираат дека во Ротимље ќе присуствуваат и високи претставници од Босна и Херцеговина.

Во Струмица, со почеток во 10 часот на споменикот на поранешниот претседател, Борис Трајковски, ќе присуствуваат и ќе положат цвеќе делегацијата од Владата, предводена од Јованка Тренчевска, дополнителна заменик-министерка за труд и социјална политика, заедно со Кирил Парталов, државен секретар во Министерството за локална самоуправа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот