Од први октомври пациентите во аптеките ќе може да ги подигнат сите потребни лекови на рецепт и никој нема да биде вратен, вели Ден Дончев директор на Фондот за здравствено осигурување.

Дончев најави дека се воведуваат механизми за контрола меѓу кои и тоа дека и препишувањето и издавањето ќе биде со документ за лична идентификација односно пасош или лична карта.

Ако некој во туѓо име подигне лек тогаш во аптеката ќе се евидентира и името на тој што го подигнал, односно тој што го подига рецептот ќе мора да се идентификува со лична карта или пасош.

Препишувањето и подигнувањето ќе се следи во реално време и ќе се проверува ако кај некој пациент се јави отстапување. Ќе има и скенери за проверка на документите.

Со скенерите со кои ќе се проверува дали личните карти и пасошите се лажни и вакви апарати ќе мора да ги има во секоја аптека. Исто така ќе се вршат и споредби, односно по матичен број ќе се утврдува дали пациентот на кому му е издаден рецептот истиот го подигнал.