Донатори на зелена трева од јавен интерес на приватен посед

Време е да се „прочешлаат“ сите продажби на државно земјиште кое што е од јавен интерес кои се направени во изминатиот период, да се поништи што може и да се побара одговорност од сите што биле вклучени во тие зделки.

Совесни граѓани решиле со донација да помогнат да се засади трева на просторот пред ГТЦ кој е во приватна сопственост  и каде Град Скопје нема ингеренции да уредува, за да не остане „дупка“ после реконструкцијата на плочникот. Да личи!

И не само што биле совесни, туку сакале да останат и анонимни, па градоначалникот Шилегов не сакаше да обелодени ништо повеќе околу тоа. Но строго забрани на некој друг граѓанин да му проработи совеста, па да му текне тука да стави клупа или да направи патека или, што знам, дрво некое да засади врз тревата за да има и сенки на ливадата. Дури ни сопственикот не смее да си го огради имотот. Нека проба, па ќе види што ќе го снајде. Тоа е јавен простор и Шилегов нема да го дозволи тоа!

Прочитајте и...  Италија затвора повторно цели сектори поради епидеммијата

Овој јавен простор каде што е засадена тревата од анонимните доброчинители, престанал да биде јавен и станал приватна сопственост во 2012 година. Колку и да е тоа неверојатно и надвор од здравиот ум, некои од тогашната владејачка гарнитура тогаш дигнале два прста и се согласиле со продажбата. На истиот начин е продаден јавен простор каде моментално се наоѓа зеленило и маалски паркчиња и на други локации низ градот. Па во ДУП-овите се вцртувале згради на тие места и така натаму.

И после се чудиме кога ќе започне да се гради некоја зграда на зелена површина, па се протестира, па се плука по социјалните мрежи. Притоа се заборава дека  некој им го дал тоа право на тие инвеститори. Некој кренал рака за согласност, некој потпишал. И никому ништо! За тие што го дозволиле ова што сега се случува и кое му задава главоболки на Шилегов, никој не е казнет.

Прочитајте и...  Жените се повеќе подложни на негативни ефекти од пандемијата

Скопскиот градоначалник рече дека води борба овој простор повторно да се врати каде што припаѓа. Ги повика и граѓаните во одбрана и побара надлежните институции да ја поништат продажбата. Всушност, сите скопски општини треба да го направат тоа. Време е да се „прочешлаат“ сите продажби на државно земјиште кое што е од јавен интерес кои се направени во изминатиот период, да се поништи што може и да се побара одговорност од сите што биле вклучени во тие зделки. Едноставно, не може дел од плоштад да биде приватен посед, ниту да се продаде маалски парк во Карпош, на пример. Недозволиво е!

Тазе уредениот плочник пред ГТЦ, со сета урбана опрема, особено новиот дрворед, изгледаат навистина убаво. Но, што правиме со незавршените објекти од другата страна на плоштадот и со зградата на ЕВН, која остана со скелиња и партали? Со оние што почнаа да се градат во барокниот период на нашето живеење, пред десетина години. Има некој идеја? Ќе се уриваат или ќе се довршат некако?  Или се оставени на чекање?

Прочитајте и...  Во Словенија од денеска во болниците само пациенти со Ковид-19 и итни случаи

Оти, вака како што е, џабе е и нов плочник и уредување, џабе е сѐ!

Поврзани вести

Пораст на бројот на новозаразени во регионот, Хрватска рекордер со речиси 2.250

Слободен печат

ВИДЕО: Папата Франциск назначи 13 нови кардинали, меѓу нив и првиот црн великодостојник од САД

Слободен печат

Француското национално собрание изгласа продолжување на здравствената вонредна состојба до 16 февруари

Илинка Иљоска

Заев од 25. Конгрес на СДСМ: Имаме признат македонски национален идентитет од целиот свет, македонскиот јазик е впишан во нашата лична карта во ОН

Илинка Иљоска

Брнабиќ: Нов шеф на дипломатијата е Селаковиќ, Вулин на полиција

Слободен печат

Еврозоната со најголем економски пад, закрепнувањето неизвесно

Илинка Иљоска

Остави Коментар