Марк Маркез овој викенд ќе се врати на патеката на трката за Големата награда на Франција, откако медицинскиот тим кој му ја оперираше десната рака му даде дозвола.

Операцијата беше неопходна поради падот на Маркез во првиот круг во Портимау, по таа трка ги пропушти наредните кои следуваа. Имаше желба Маркез да се врати и на „Херес“, но докторите беа против тоа, па затоа трката за Големата награда на Шпанија ја следеше како гледач.

Последните прегледи на скенер покажале дека Маркез добро, но сепак ќе мора да ги помине и тестовите од лекарската комисија на МотоГП за сите да бидат сегурни. Доколку нема некаков пресврт и изненадување, Маркез ќе настапи на слободните тренинзи во петок.

Во генералниот пласман Маркез е 19-ти со 80 бодови помалку од Франческо Бањаја. Сепак, до крајот на сезоната има уште 16 тркачки викенди и борбата за титулата допрва почнува.

✅ @marcmarquez93 will be back in action at the #FrenchGP! 🇫🇷

Further details on his return from injury 👇#MotoGP | 📰https://t.co/LocFcO9ZBz

— MotoGP™🏁 (@MotoGP) May 10, 2023