Димковски МВП, четворица Македонци во идеалниот состав на ЕХФ шампионатот во Рига

Македонските ракометни кадети доминираа на ЕХФ шампионатот во Рига, Летонија/Фото: facebook.com/rfmofficial

Кадетската репрезентација на Македонија (У18) беше најдобра на ЕХФ шампионатот кој се одржа во Рига, Летонија по големата борба и победата над Швајцарија во финалето.

Дека избраниците на селекторот Раде Стојановиќ беа доминантни говори и фактот што Томислав Димковски беше прогласен за најкорисен играч на турнирот, МВП, а уште тројца играчи од нашата селекција се најдоа во идеалниот состав на шампионатот.

Тие се левото крило Михаел Тотиќ, голманот Давид Брестовац и десното крило Александар Петковски.

Со освојувањето на титулата, обезбеден е настап на кадетското Светско првенство во 2023 година и на младинското Европското првенство 2024 година.

Димковски, младиот бек на Т. Пролет беше одличен во текот на целиот турнир, а особено блескаше во финалето, кога постигна седум гола против Швајцарија.

Видео на денот