Бугарскиот тенисер Григор Димитров заедно со Новак Ѓоковиќ е дел од „Адриа тур“ серијата, а наредна станива е Задар.

Димитров даде свое видување на одлуката УС Опен сепак да се одржи под строги безбедносни и медицински протоколи, но тој смета дека тоа ќе ги натера тенисерите да не учествуваат на грен слем турнирот во Њујорк.

– Доколку се земе во предвид моментната состојба, многу е тешко и не сум сигурен дека можам да се посветам на тенисот и да кажам дека ќе бидам таму. Уште многу работи мора да се променат. Секогаш е тешко за тенисерите, посебно кога се обидуваме да се слушне и нашето мислење и со своите ставови да направиме разлика, така што мислам дека јас и останатите ќе почекаме со конечната одлука и ќе следиме како ќе се одвиваат работите. Доколку остане актуелната состојба, мислам дека многу тенисери нема да играат во Њујорк – изјави Димитров за Спортклуб телевизијата.