Димитријевиќ во одлична форма пред квалификациите за ЕП, најефикасен против Енисеј
Денеска во рамките од ВТБ лигата кошаркарите на Уникс Казан убедливо со 107:84 славеше против Енисеј.
Својата одлична форма уште еднаш ја потврди македонскиот репрезентативец Ненад Димитријевиќ кој беше прв стрелец во својата екипа со 17 поени за нешто над 26 поминати минути на паркетот. Воедно запиша и три скокови, седум асистенции и две украдени топки.
Истиот учинок на поени го имаше и неговиот тимски колега Најт Маркос, а на спротивната страна најефикасни беа Мартин Џеремаја со 22 и Рејтан-Мејс Ксавиер со 19 поени.
ЦСКА Москва на нашиот тренер Емил Рајковиќ останува првопласиран (22-4), а на второто место е Уникс Казан (21-6).
Следуваат репрезентативните обврски, а новиот меч тимот на Димитријевиќ во натпреварувањето ќе го има на 2 март на домашен терен против Локомотив Кубан.
Потсетување дека најдобрата македонска селекција на 22 февруари ќе ги почне квалификациите за пласман на Евробаскет 2025, а прв ривал ќе биде репрезентацијата на Естонија во Скопје.