Дијабетес тип 2: Пет предупредувачки знаци наутро дека нивото на шеќер во крвта е превисоко
Дијабетес тип 2 е комплицирана состојба и како таква, лицата што страдаат од неа можно е да не знаат како нивното ниво на шеќер во крвта може да се промени во текот на денот.
Утротот е најважната точка за дијабетичарите за да се осигураат дека шеќерот во крвта им е здрав, бидејќи феноменот на зората може да има влијание врз нивното тело во текот на денот.
Кои се петте главни симптоми што укажуваат на тоа дека шеќерот во крвта ви е премногу висок наутро?
Дијабетес тип 2 е резултат на дисфункција во начинот на кој телото го обработува хормонот инсулин. Инсулинот има многу важни улоги, но високо на листата е регулирањето на шеќерот во крвта – главните видови шеќер што се наоѓаат во крвта. Лошото производство на инсулин доведува до нерегулирани нивоа на шеќер во крвта, особено во утринските часови.
Феноменот на зората е природен пораст на шеќерот во крвта што се јавува во раните утрински часови. Промената на нивоата на шеќер во крвта се јавува како резултат на хормоналните промени во телото.
Телото нормално користи инсулин за да се справи со овој пораст на шеќерот во крвта, но телото на личност со дијабетес не произведува доволно инсулин или не е во состојба правилно да го користи инсулинот.
Како резултат на тоа, личноста ќе ги почувствува последиците од високото ниво на шеќер во крвта.
Според „Медикал њуз тудеј“, петте клучни симптоми за да го забележите предупредувањето за феноменот на зората вклучуваат:
– Слабост
– Гадење
– Замаглен вид
– Дезориентација
– Екстремна жед.