Дигитална видеопромоција: Драмски текстови и етиди од Миа Николоска
Во издание на Македонскиот центар на ИТИ/Продукција излезе е-книга со драмски текстови на младата драмска авторка и драматург Миа Николоска. Книгата ги содржи драмскиот текст „инКВИЗиција“ и драмските етиди „Смелл-лост“ и „Тим-обајл“.
Дигиталната видеопромоција на е-книгата се одржа со целодневно споделување на социјалните мрежи. Авторката Миа Николоска е студент на Одделот за драматургија, драмско пишување и сценаристика на ФДУ – Скопје.
Македонскиот центар на ИТИ/Продукција го поддржува и го истакнува развојот на современата домашна женска драматургија и драматика со меѓународна дигитална промоција и дистрибуција, а ги поддржува и авторките и авторите на современата домашна младинска и возрасна драмска уметност.
(Текстот е објавен во „Културен печат“ број 32, во печатеното издание на „Слободен печат“ на 23-25 мај 2020)