Џенифер Анистон по повеќе од десет години призна што украла од снимањето на серијата „Пријатели“
Сега кога милионите обожаватели ширум светот бројат денови до премиерата на специјалната епизода и повторното обединување на „Пријатели“, Џенифер Анистон откри интересен детаљ за кој молчела со години.
View this post on Instagram
Имено, за време на интервју за магазинот „People“, 52-годишната Џенифер Анистон откри дека пред повеќе од една деценија за време на снимањето на серијата си зела специјално парче облека од плакарот на нејзината пријателка Кортни Кокс, која ја играше Моника Гелер.
„Отидов кај нејзиниот плакар на сетот и го зедов фустанот што го носеше Моника“, откри Џенифер Анистон и додаде дека дури и по една деценија сè уште сака да го носи во многу комбинации.
„Сè уште го чувам и го носам. Сè уште одлично ми одговара. Тоа е цветен фустан со црна тантела и оние мали, ситни цвеќиња, со „V“ и мали ракави“, рече таа.
View this post on Instagram
И додека Кортни Кокс не „украла“ ништо од сетот, Лиза Кудроу си ги зела прстените што ги носеше нејзиниот лик Фиби Бафај за спомен, како и теглата за колачиња „Cookie Time“ која за неа ја „украл“ Метју Пери.
Дејвид Швимер решил да го украси својот дом со постер на „Професорот Гелер“ од неговата канцеларија, а некое време се возел со регистарска табличка „Ги сакам пријатели“, која, без негово знаење, му ја наместил Мет Лебланк. Како што открија, му требало една недела да го забележи тој детаљ.
