Република Северна Македонија во текот на својата 30-годишна историја од независностa докажа дека може да помине низ потешки ситуации од спорот со Буграија, оценува аналитичарот од Тирана Лутфи Дервиши, додавајќи дека за разлика од Скопје, коe има потешка задача, Тирана треба да исполнува тековни услови.

– Надминувањето на ќор-сокакот од скоро три децении со Грција ни покажува дека решението е можно дури и кога се чини невозможно. Проблемот со Софија е релативно полесен од оној што постоел со Атина. Во меѓувреме, Македонија направи повеќе компромиси од која било друга земја во регионот на нејзиниот пат кон евроатлантските интеграции, друг компромис би бил последниот камен што ја спречува да pa го отвори патот за преговори со ЕУ – вели за Слободен печат, Лутфи Дервиши, аналитичар и добар познвач на регионалната политика.

Случајот со Албанија, додава тој, е малку полесен.

– Тирана  мора да докаже дека одржува избори без проблеми и дека ќе продолжи да ги исполнува условите утврдени од Европскиот совет. Парламентарните изборите се очекуваат со загриженост поради проблематичната историја со нив во минатото – истакна Дервиши.