Веројатно се прашувате дали секојдневното туширање е неопходно? Всушност, експертите советуваат дека не мора често да правите пилинзи за целото тело. Има и други начини како да го контролирате мирисот на вашето тело.

„За повеќето луѓе, дневниот туш е добар под услов да се избегнуваат агресивните практики за чистење на телото“, вели докторката по дерматологија Мелиса Пилијанг.

Но, општо земено, експертите препорачуваат туширање само неколку дена во неделата или на секои два до три дена, со цел да се избегне отстранување на природните масла на кожата и нејзино сушење.

„Отсекогаш сум велела дека е добро да поминете неколку дена без шампон“, вели Али Веб, професионален фризер и основач на „Dry bar“.

„За нормална коса во однос на маснотија и средна должина, јас понекогаш им кажувам на моите клиенти да издржат колку што можат подолго без шампон“, вели Али.

Според д-р Сенди Скотнички, доцент по дерматологија на Универзитетот во Торино, секој човек треба да се фокусира на три клучни делови од телото. Честото „чистење“ на телото „од глава до пети“ може да предизвика сериозни проблеми како егземи – воспаленија кои предизвикуваат чешање на кожата.

Делови од телото кои треба најчесто да се мијат се пазувите, препоните и стапалата.

На вашите нозе им е потребно редовно миење затоа што имаат тендеција да собираат нечистотија доколку сте боси, а исто така познато е дека тие акумулираат влага што се размножува кога се подолго време во чорапи или чевли, затоа е многу важно да ги исушите темелно после миење.

На пазувите и препоните им е потребно секојдневно одржување на хигиена поради концентрацијата на потни жлезди кои се наоѓаат во областите каде што е присутен раст на влакна. Жлездите произведуваат млечна безбојна течност како резултат од стрес, а таа течност кога се меша со бактериите на вашата кожа честопати предизвикува непријатен мирис.

Воедно, треба многу да се внимава со користењето сапун, особено кај жените затоа што може да ја „исфрли“ нормалната „pH“ вредност на вагината и да го стимулира растот на штетни бактерии, затоа не заборавајте дека одржувањето на хигиена на гениталиите треба да биде исклучиво површинско.

„Внимавајте со сапунот или геловите за туширање во интимните предели“, вели Тами Роуен, медицинско лице од „UCSF Medical Center“ посочувајќи го примерот дека тоа е исто како да ја миете устата со сапун.