Во фудбалската репрезентација на Данска се уште не можат да прежалат тоа што директно не се квалификуваа на Мундијалот идното лето, туку ќе играат бараж во кој првата пречка им е Македонија.

Мечот се игра во март, но капитенот на данската репрезентација Пјер-Емил Хојбјерг со изјава за данските медиуми (campo.dk) уште отсега ги мотивира своите соиграчи за баражот.

– Оние кои не се подготвени за предизвикот или немаат смелост, треба да се јават кај тренерот или да останат дома и да гледаат телевизија – вели тој.

Хојбјерг смета дека задачата на данскиот тим да се квалификува на Мундијалот во САД, Канада и Мексико ќе биде тешка.

– Имаме прв натпревар во март на кој мора да победиме. И ако го добиеме тој меч, мора да го добиеме и натпреварот потоа. Не е невозможна задача, но ќе биде навистина тешко – вели Данецот.

Данска ја пречекува Македонија на 26 март, а победникот од тој дуел пет дена подоцна ќе игра со победникот од двојката Ирска – Чешка во финалниот меч од баражот, за да се добие учесникот на СП 2026.

Аналитичарите не веруваат во нас: Македонија има најмали шанси преку баражот да се пласира на Мундијалот