Селекторот на хрватската фудбалска репрезентација Златко Далиќ отворено зборуваше за предизвиците што ја очекуваат Хрватска на претстојното Светско првенство, кое започнува за два месеца. Во своето последно интервју тој се осврна и на изненадувачката елиминација на Италија, која беше поразена од Босна и Херцеговина во Зеница по изведување пенали.

Говорејќи за прогнозите дека Хрватска би можела да заврши меѓу десеттото и дванаесеттото место, при што пласман во четвртфиналето би се сметал за успех над очекувањата, Далиќ порача дека нема намера да дозволи притисок врз тимот.

„Зад нас се два одлични настапи на Светските првенства. Само погледнете ја Италија, нема да игра ниту на трет Мундијал по ред, а станува збор за многу поголема фудбалска сила од нас“, изјави селекторот.

На прашањето како е можно Италијанците повторно да останат без настап на големо натпреварување, Далиќ призна дека и самиот нема објаснување.

„Не знам како се случува. Против нас постигнаа гол во 98. минута за израмнување на Европското првенство, со што нè елиминираа. Понекогаш работите едноставно се враќаат, не оди секогаш сè по план“, истакна Далиќ.