Дали новата љубов на Рита Ора е окаровецот Таика Ваитити?
Пејачката Рита Ора минатата недела објави фотографија со режисерот Таика Ваитити, а обожавателите претпоставија дека станува збор за некој деловен ангажман.
Сепак, „The Sun“ пишува дека пејачката и режисерот биле заедно додека таа го снимала „The Voice“ во Сиднеј.
Имено, Рита и Таика во кругот на блиски пријатели не криеле дека се заедно и како што вели изворот, наскоро нивната врска би можела да прерасне во нешто посериозно.
„Тие се зближија на почетокот на март, но воопшто не зборуваат за тоа во јавноста. Сепак, сите нивни пријатели знаат за врската. Навистина се сакаат“, изјавил неименуваниот извор.
Минатата недела пејачката објави серија фотографии на социјалните мрежи на кои позира во опуштено издание, а на една од нив е во прегратка на славниот режисер Ваитити.
Иако тој на фотографијата се чини како да се обидел да си го сокрие лицето, сепак Рита го обележа неговиот профил на фотографијата со што потврди дека станува збор за него.
View this post on Instagram
Неодамна, парот беше забележан како се симнува од приватен авион во друштво на Крис Хемсворт, неговата сопруга Елза и Мет Дејмон во Сиднеј. Таму тие го снимаат филмот „Thor: Love and Thunder“ во режија на Таика Ваитити. Засега, ниту Ора ниту Ваитити не ја потврдиле нивната љубовна врска во јавноста.