Министерката за образование и наука Мила Царовска денеска, по повод почетокот на второто полугодие, го посети средното уметничко училиште ДСУЛУД „Лазар Личеноски” во Скопје. Наставата во ова училиште се одвива со физичко присуство и приспособена е на практичната настава на учениците.

Како што информираат од МОН, Царовска на состанокот со директорот на училиштето Филип Фидановски, истакнала дека, согласно препораките на Комисијата за заразни болести, се обезбедени сите услови за непречена реализација на наставата во време на пандемија.

Веќе воспоставениот хибриден модел од првото полугодие се покажа како успешен и наставата продолжува по истиот модел, наведува МОН.

– Директорот Фидановски ја информира министерката дека учениците се подготвуваат за полагање на претстојниот матурски испит и најуредно се имаат пријавено во законски утврдениот рок, соопшти МОН.