ФОТО | Црвен тепих на „Еми“ наградите: Елегантна „борба“ за пофалба од модните критичари

Како и секоја година, пред да се стави акцент на актерската, режисерската и другите достигнувања на телевизиската индустрија, во првиот час, целото внимание беше насочено кон гламурозните изданија на славните на црвениот тепих.

Секогаш оригинална, Ема Корин избра креација на „Миу Миу“ во суптилна нијанса на злато со детали во форма на капа и ракавици. Јара Шахиди блескаше во зелен коктел фустан на „Дио“, додека Михаела Коел прошета во жолт топ и соодветно здолниште на Кристофер Џон Роџерс. Истата живописна нијанса се најде и на елегантниот капут на „Диор“ на Ања Тејлор-Џој. Елизабет Олсен во фустан дизајниран од сестрите Мари-Кејт и Ешли го внесе малку потценетиот гламур на овој настан.