Чудо во Дубаи, го победи Ѓоковиќ, па приреди нова сензација
Чешкиот тенисер Јиржи Весели продолжи со сензации на АТП турнирот кој се одржува во Дубаи, Обединети Арапски Емирати.
По Новак Ѓоковиќ, 123 играч во светот го шокираше и Канаѓанецот Денис Шаповалов и се пласираше во финалето каде в сабота ќе се сретне со Русинот Андреј Рубљов.
Во крајно неизвесното полуфинале, Весели со пресврт го елиминираше Шаповалов, во три тај-брејка – 6:7 (7:9), 7:6 (7:2), 7:6 (7:3).
Чехот дефинитивно го игра тенисот на кариерата, а на овој турнир мораше да ги мине квалификациите за да стигне до главната жрепка.
Шаповалов дури имаше и „добиен меч“, при 5:4 во третиот сет сервираше за победа и финале. Но, тој не стигна ниту до меч топката, Весели го врати брејкот, а во самата завршница уште еднаш покажа неверојатна психичка сила која го красеше и претходно на турнирот.