Чешка и Србија за петтото место на Мундобаскет (ВИДЕО) – Слободен печат
КошаркаСпорт

Чешка и Србија за петтото место на Мундобаскет (ВИДЕО)

Во борбата за пласман од 5-8 позиција на Светското првенство во Кина, денеска репрезентацијата на Чешка со 94:84 во европската пресметка ја совлада Полска.

Чесите со триумфот закажаа натпревар за петтата позиција на Мундобаскет 2019 против селекцијата на Србија која претходно славеше против Американците.

Во победничкиот состав се истакна Хрубан со 24 поени (4/7 за три) и 12 скокови, Саторански со 22 поени и 12 асистенции, како и Јаромир Бохачик кој уфрли 21 поен (5/8 за три).

Кај Полјаците 22 поени имаше Вачински, потоа Еј Џеј Слотер додаде 12 поени и 10 асистенции, 12 поени и седум скокови беа дело на Кулиг, а „двоцифрен“ со 11 поени беше и Понитка.

За в петок (13 септември) се закажани полуфиналните мечеви на СП, од 10.00 часот Шпанија-Австралија, а од 14.00 часот Аргентина-Франција.

В сабота (14 септември) од 10.00 часот за седмото место ќе играат САД и Полска, а од 14.00 часот за петтата позиција Србија и Чешка.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close