Кривични пријави за криумчарење, неовластено производство и пуштање во промет на наркотици, даночно затајување, фалсификување пари, царински измами, фалсификување на исправа, избегнување плаќање давачки со прикажување лажни податоци, поднела Царинската управа во изминатата 2023 година. Според директорот на Царината, Стефан Богоев, лани бројот на кривични пријави бил за 60 проценти поголем во однос на претходната година.

Минатата година, според информациите што ги сподели Богоев биле поднесени кривични пријави за следните дела:

– Употреба на исправа, книга или спис за кој знае дека се невистинити (1 кривична пријава, против 2 правни и 2 физички лица);

– Повреда на права од интелектуална сопственост (4 кривични пријави, против 4 правни и 6 физички лица);

– Криумчарење (15 кривични пријави, против 16 физички лица);

– Неовластено производство и пуштање во промет на наркотици (5 кривични пријави, против 7 физички лица);

– Даночно затајување (3 кривични пријави, против 3 правни и 3 физички лица);

– Фалсификување пари ( 1 кривична пријава против 1 физичко лице);

– Промет со стоки за кој сторителот знаел дека се предмет на кривично дело (9 кривични пријави, против 1 правно и 9 физички лица);

– Царинска измама (3 кривични пријави, против 2 правни и 2 физички лица);

– Фалсификување на исправа (2 кривични пријави, против 4 физички лица);

– Избегнување на плаќање на давачки со прикажување лажни податоци (1 кривична пријава против 1 правно и 1 физичко лице);

– Избегнување на плаќање данок (4 кривични пријави, против 1 правно и 5 физички лица);

– Неовластено производство и промет со општо опасни материи (1 кривична пријава против 1 правно и 1 физичко лице);

– Промет со стоки од поголема вредност кои се забранети или ограничени (1 кривична пријава против 1 правно и 1 физичко лице);

– Недозволено држење на оружје (1 кривична пријава против 1 физичко лице)