Бурхан Мустафа е нов голман на Академија Пандев
Бурхан Мустафа официјално потпиша договор на шест шесеци со фудбалскиот клуб Академија Пандев. Искусниот 32-годишен голман се обврза до крајот на сезоната да го облече дресот на „пандевци“.
Овој чувар на мрежата доаѓа од екипата на Гостивар, а претходно во својата кариера има настапувано за екипите на Борец, Работнички, Дрита, Шкупи и косовски Феризај.
Претходно тимот го засилија десниот бек Георгие Јанкулов, централниот дефанзивец Агрон Руфати и играчот за врска Марио Врдољак.
Како што е познато, поранешниот репрезентативец на Македонија, Ацо Стојков е новиот спортски директор на Академија Пандев, во намерата да помогне околу визионерскиот проект и планот за издигнување на ниво погоре во работењето и организацијата на клубот во иднина.
По завршувањето на есенскиот дел во Првата лига, екипата на Академија Пандев е на 10 позиција со 12 бодови.