Бугарија нема да испраќа војници во Украина, тврдат од МО
![](https://www.slobodenpecat.mk/wp-content/uploads/2024/05/11448902.jpg)
Бугарија на никаков начин нема да учествува со воен персонал на територијата на Украина. Само Народното собрание може да донесе одлука за учество на бугарски војници во операции надвор од територијата на државата. Ваков предлог никогаш не бил на дневен ред. Сите иницијативи поврзани со обуката на украинскиот воен персонал се спроведуваат надвор од територијата на Украина. Ова се наведува во став од Министерството за одбрана на Бугарија.
Бугарското Министерство за одбрана потсетува на одлуката на Националното собрание од 9 декември минатата година.
„Имаме поставена задача и можеме да ги обучиме Украинците за борбени медицински лица – до 60 лица за една година“. Планирано е 4 групи од по 15 лица повторно да се обучуваат во Бугарија, а не во Украина“, се наведува и во ставот.
Денеска Генералниот секретар на НАТО Јенс Столтенберг пристигна во Бугарија. На аеродромот во Софија го пречека шефот на делегацијата на Народното собрание во Парламентарното собрание на НАТО, Даниел Митов.
Народното собрание на Република Бугарија е домаќин на пролетната сесија на Парламентарното собрание на НАТО.
Учесниците на пролетната сесија на Парламентарното собрание на НАТО ќе разговараат за клучните теми од евроатлантската одбранбена и безбедносна агенда со фокус на поддршката за Украина.
Во Софија, Собранието треба да ги усвои своите препораки за самитот на НАТО во Вашингтон.