Британската влада ја повика јавноста да „застане зад“ принцезата Кејт Мидлтон додека таа закрепнува од операцијата во услови на низа злобни теории на заговор за нејзиното здравје и наводно прекршување на податоците во болницата каде што била лекувана.

Портпаролот на премиерот Риши Сунак го упати повикот откако се дозна дека е покрената истрага за тврдењата дека персоналот во приватната клиника каде Кејт била подложена на абдоминална операција незаконски се обидел да пристапи до нејзините медицински досиеја, објави „Дејли мејл“.

Канцеларијата на комесарот за информации соопшти дека ги истражува тврдењата дека работник во клиниката во Лондон се обидел да ги види нејзините досиеја без овластување. Се огласи и директорот на клиниката и соопшти дека ќе бидат преземени сите соодветни чекори за да се истражи наводната повреда.

На новинарско прашање, портпаролот на Риши Сунак ги повика Британците да „застанат зад“ принцезата од Велс.

Запрашан за наводното прекршување на податоците во лондонската клиника, портпаролот рече дека е јасно дека има строги правила за податоците за пациентите кои мора да се следат.

„Мислам дека сите сакаме да застанеме зад принцезата од Велс и принцот од Велс и очигледно и посакуваме брзо закрепнување“, рече тој.

Братот на принцезата Дијана искрено проговори за ситуацијата со Кејт Мидлтон: Се грижам за тоа што се случи…