Британското министерство за одбрана објави нов дневен брифинг од своите разузнавачи и луѓето на терен. Денеска пишуваат за проблемите на руската одбранбена индустрија. Британците пишуваат дека овие проблеми се толку големи што стануваат критична точка за Русија.

„На 9 февруари 2023 година, Дмитриј Медведев повика на зголемување на производството на руски тенкови при посетата на фабриката за транспортни машини во Омск“, пишуваат Британците за изјавата на поранешниот руски претседател.

Неговата посета на фабриката уследи по неколку јавни коментари на Путин кој ја повика одбранбената индустрија подобро да ја поддржи „специјалната воена операција“.

„На телевизиски состанок на 12 јануари 2023 година, Путин го критикуваше Денис Мантуров, вицепремиерот одговорен за одбранбената индустрија, за „зафркање““, пишуваат Британците. Тоа беше еден од најсилните јавни испади на Путин од почетокот на инвазијата, додаваат тие.

Latest Defence Intelligence update on the situation in Ukraine – 15 February 2023

Find out more about the UK government's response: https://t.co/XILK9JDeqM

?? #StandWithUkraine ?? pic.twitter.com/KKcT027LpV

— Ministry of Defence ?? (@DefenceHQ) February 15, 2023

„Високите руски лидери веројатно се свесни дека военото индустриско производство станува критична слабост, влошена од стратешката и оперативната погрешна проценка на инвазијата на Украина“, додаваат Британците.

Тие заклучуваат дека военото производство сигурно не ги исполнува барањата на Министерството за одбрана за кампањата во Украина. И поради ова, не успева успешно да ги надополни залихите за долгорочни одбранбени цели.