Британците поделени околу стратегијата „живот со ковид“
Британскиот парламент се двоуми околу стратегијата на Владата за „живеењето со ковид“, а од министерот за здравство Саџид Џавид се очекува да продолжи да притиска за бесплатно тестирање и покрај барањата на Министерството за финансии да се намали буџетот.
Министрите, вклучително и секретарот за здравство и канцеларот, Риши Сунак, се очекува да се состанат денеска за да разговараат за стратегијата пред таа да биде објавена следната недела.
Гардијан оваа недела откри дека Министерството за финансии на Сунак се обидува да го намали буџетот за преостанатите резерви за ковид до 90%, од 15 милијарди фунти оваа година на дури 1,3 милијарди фунти во следните години.
Плановите најверојатно од март ќе вклучуваат крај на сите бесплатни ПЦР тестови, освен за оние најранливи луѓе. Со ова ќе се стави крај на бесплатното асимптоматско тестирање со тестови за латерален проток (ЛФТ).
Според британските медиумни, Џавид и министерството за здравство ќе се борат за да добијат повисока сума на пари од Владата за да може да се обезбедат доволен број на тестови за да може да преживее здравствениот сектор.