Брегалница „гази“ во Првата лига, „пандевци“ се израмнија со Ренова
Уште пет натпревари се одиграа во 11 коло од Првата македонска лига, Академија Пандев го искористи поразот на Ренова и сега со „гипсарите“ ја делат втората позиција.
Академија Пандев триумфираше над Борец со 1:2, после првото полувреме водеа „пандевци“ со голот на Мирчевски од 32 минута.
Велешани израмнија во 64 минута со погодокот на српскиот интернационалец Ѓурѓевиќ, а конечниот епилог го постави Шаркоски во 87 минута.
Брегалница реди победи во шампионатот, ја забележа и третата по ред остварена на гостувањето кај битолски Пелистер (0:3). За составот од Штип двоен стрелец беше Стојанов, а еден гол беше дело на С. Коцев во самиот финиш од средбата.
Шкендија славеше над Работнички, мрежата на „романтичарите“ ја тресеа Елези и Рамадани, а бодовите ги поелија Македонија ЃП и Струга Трим Лум. За ѓорчепетровци предност донесе Младеновски (68`), а израмни Цветаноски (77`) за стружани.
И на последниот дуел Скопје триумфираше над Тиквеш (2:1), за домашната екипа двапати стрелаше Јашароски, а кај гостите од Кавадарци гол запиша Р. Коцев.
Прва лига
11. коло, резултати –
Недела
Борец – Академија Пандев 1:2
Скопје – Тиквеш 2:1
Македонија ЃП – Струга Трим Лум 1:1
Пелистер – Брегалница Штип 0:3
Шкендија – Работнички 2:0
Табела: Шкупи 26 бодови, Ренова 21, Академија Пандев 21, Брегалница Штип 19, Шкендија 17, Струга Трим Лум 15, Работнички 15, Скопје 15, Македонија ЃП 11, Борец 8, Тиквеш 6, Пелистер 4.