Денеска во 16 коло од најсилното германско првенство фудбалерите на Борусија Менхенгладбах славеа со 4:0 над екипата на Аугсбург.

Домаќините ги обезбедија бодовите веќе во текот на првото полувреме по кое имаат предност од 3:0.

Скали ја почна гол серијата во осмата минута, за 2:0 се погрижи Дикс од пенал, а во 36 минута Табаковиќ стрелаше за 3:0.

Конечниот епилог го постави босанскиот интернационалец Харис Табаковиќ со неговиот втор погодок во 61 минута.

За Борусија (М) ова беше петта победа сезонава во Бундес лигата и моментно е на 10 позиција со 19 бодови, додека Аугсбург после 10 пораз е на 15 место со 14 бодови.