„Бикот од Мајорка“ Надал фаворит за освојување на Монте Карло
Шпанецот уште еднаш докажа зошто земјената подлога му е најомилена, а после елиминацијата на првиот светски рекет од турнирот во Монте Карло, Новак Ѓоковиќ, многу блиску е да освои нов трофеј.
Рафаел Надал денеска во осминафиналето за 57 минути игра успеа да го елиминира Бугаринот Григор Димитров со резултат 6:1 и 6:1.
За пласман во полуфиналето Рафа ќе игра со победникот од дуелот Андреј Рубљов (Русија)-Роберто Баутиста Агут (Шпанија).
– Жал ми е за Григор. Одигра многу лош меч, тоа е вистината. Од моја страна имав добри перформанси на теренот, а виновен за ваквиот резултат е противникот – се зборовите на Надал по мечот.
Во следната фаза се најдоа уште Алехандро Давидович Фокина, Стефанос Циципас, Давид Гофан и Фабио Фоњини. Мастерсот во Монте Карло се игра за награден фонд од 2.082.960 евра, а титулата од 2019 година ја брани Фоњини.