Беретини го призна поразот: Новак има нешто што го прави најдобар на сите времиња
Новак Ѓоковиќ утринава обезбеди пласман во полуфиналето на УС Опен откако во четвртфиналето во фантастичен меч со 3:1 во сетови и тоа со 5:7,6:2,6:2,6:3 го совлада Матео Беретини со кого играше во финалето на Вимблдон.
Италијанскиот тенисер изјави дека се чувствуваше добро и дека играше добро, но тоа против Новак Ѓоковиќ не беше доволно за победа.
– Ова беше многу тежок меч како што е секогаш кога играте против Новак. Се чувствував добро, играв добро… Но, Новак има нешто што го прави најдобар тенисер на сите времиња – секогаш знае кога да го крене нивото на игра. Не е важно како играте вие, тој игра подобро. Не можев да играм против него, ја заслужи победата. Добра работа е што многу учам од секој меч против него. Не можам да се жалам, беше подобар. Јас играв добро, но Новак беше подобар – изјави Беретини.
Италијанецот исто така открива како е да се игра против Ѓоковиќ на грен слем турнирите каде се игра во три добиени сетови.
– Кога игра против Рафа Надал по два сета останав без енергија, а сега против Новак имав енергија, само ми недостасува искуство да играм против него. Морам да го заработам секој поен, ништо не ми дава бесплатно. Не е важно дали добро сервирам или добро играм, морам да се испотам за секој поен – додава Беретини.