Славниот фудбалер кој и ја донеше првата титула на Барселона во Лигата на шампионите, Роналд Куман наскоро ќе седне на клупата на каталонците, пренесува Фабрицио Романо.

Ronald Koeman has been choosen as new Barcelona manager. He’s going to leave Holland National team to join Barça – official statement on this week. Here we go! ??? #FCB #Barcelona #Koeman

— Fabrizio Romano (@FabrizioRomano) August 17, 2020

Оваа објава на италијанскиот новинар е потврда на тоа што се случи утринава,  доаѓањето на Куман во Барселона на преговори со челниците на клубот, односно со претседателот Хосеп Марија Бертомеу на кои експресно дошло до договор.

Барса брзо реагира, познато е кој го менува Сетиен на клупата (ФОТО)

Според голем дел од медиумите, но и на новинарот Романо кој прв ја објави веста за Куман, Холанѓанецот се согласил да потпише тригодишен договор со Барселона и ќе ја напушти селекторската функција во холандската репрезентација.

Куман ќе седне на тренерското столче во Барселона кое остана испразнето по срамниот пораз од 8:2 од Баерн Минхен во четвртфиналето од ЛШ бидејќи Кике Сетиен експресно доби отказ.

Роналд Куман од 2018 година е селектор на „лалињата“, а претходно има работено и во Витесе, Ајакс, АЗ Алкмар, Валенсија, Бенфика, ПСВ Ајндховен, Саутемптон и Евертон.

Официјалната промоција на новиот тренер на Барселона се очекува до крајот на неделава, откако Куман ќе го раскине договорот со фудбалската федерација на Холандија.