После катастрофалниот пораз од Баерн (8:2) во четвртфиналето од Лигата на шампионите, од каталонскиот клуб беа свесни дека мора веднаш да се направат промени.

Кике Сетиен минатата сезона не успеа да ја одбрани титулата во „Ла Лига“, па понижувачки беше елиминиран од баварскиот гигант и веднаш почнаа да му предвидуваат отказ.

Ronald Koeman ha estado en Barcelona… y las cámaras de laSexta Deportes le han 'cazado' en #exclusiva ▶ https://t.co/bXLK4YFeyo

— laSexta|Deportes (@DeporteslaSexta) August 16, 2020

А така веќе размислуваат и од „Камп Ноу“, пронајден е веднаш нов наследник, станува збор за легендарниот играч на овој клуб, Роналд Куман, моментно на функцијата како селектор на Холандија, допатува во Каталонија на завршни преговори. Тој со приватен лет дојде од својата земја во Барселона, каде што не можеше да помине незабележано.

Се очекува наскоро да биде промовиран како нов тренер на Барса, а како играч имаше големи успеси во периодот од 1989 до 1995 година. Освои четири титули шампион на Шпанија и еднаш првак на Европа токму со неговиот гол во финалето против Сампдорија.

На почетокот од тренерската кариера работеше како помошник во Барселона, а потоа беше тренер на Витесе, Ајакс, Бенфика, ПСВ, Валенсија, АЗ Алкмар, Феенорд, Саутемптон, Евертон, додека на клупата на „лалињата“ е од 2018 година.

„Ауфидерзен“ Барса: Гол-машината Баерн броеше до ОСУМ! (ВИДЕО)