„Ауфидерзен“ Барса: Гол-машината Баерн броеше до ОСУМ! (ВИДЕО)
Барселона вечерва на стадионот „Да Луж“ во Лисабон го претрпе еден од најголемите порази во својата историја во Лигата на шампионите. Каталонскиот клуб во четвртфиналето на ЛШ загуби со верувале или не конечен резултат 8:2.
Во четвртата минута стрелаше баварскиот гигант уште во четвртата минута преку Милер, а само 180 секунди подоцна израмнувањето дојде после автоголот на Алаба и така сите беа во очекување дека ќе следиме крајно драматичен дуел со многу погодоци.
Така и испадна, но Баерн беше тој кој целосно доминираше, до крајот на првото полувреме германскиот шампион реализираше три голови, по еден погодок запишаа Перишиќ, Гнабри и Милер за 4:1.
Барса ги врати некако надежите на овој меч со голот на Суарез, но тоа беше сè што направи составот на Сетиен од аспект на погодоците, а до крајот на вториот дел Тер Штеген прими уште четири голови.
Кимих стрелаше во 63 минута за 5:2, во гол серијата се придружи и Левандовски, а во последните 10 минути двапати во листата на стрелците се запиша Кутињо.
Веќе е формирана првата полуфинална двојка во натпреварувањето, Лајпциг-ПСЖ, а в сабота (21.00 часот) Баерн ќе го дознае својот ривал, Манчестер сити или Лион.
⭐ EINE UNVERGESSLICHE NACHT ⭐
♦ #FCBFCB | 2:8 ♦ pic.twitter.com/eiH50FUcXk
— FC Bayern München (@FCBayern) August 14, 2020
