Барди и Леванте никако да запишат триумф во шпанската „Ла Лига“

Енис Барди („Леванте“) настапи во второто полувреме во ремито против Осасуна/Фото: EPA-EFE/Juan Carlos Cardenas

И во 16 коло екипата на Леванте не успеа да победи и останува единствената и натаму без триумф сезонава во најквалитетната шпанска лига.

Денеска пред своите навивачи во Валенсија одигра само реми (0:0) без голови против составот на Осасуна.

Македонскиот репрезентативец Енис Барди настапи од 67 минута како замена за Пепелу.

На табелата Леванте е последнопласиран со осум бодови, шест помалку од засега сигурниот во безбедната зона, тимот на Алавес.

Во следното коло Леванте на 11 декември ќе му гостува на Еспањол кој загуби минимално на гостувањето кај Рајо Ваљекано на нашиот голман Столе Димитриевски.

Видео на денот