Се верува дека таа е најстарата личност во Кина која се зарази и излечи од коронавирусот, кој досега усмрти најмалку 1.383 лица и зарази 64.460 луѓе ширум светот.

Пациентката позната само по своето презиме Лу, отпуштена е вчера од болницата во Гвангжу, на истокот на Кина, пренесува „Дејли меил“.

Таму претходно беше пренесена од локална болница, откако имала симптоми кои укажувале на овој нов вирус.

По третманот, кој вклучувал и хормони и добивање на кислород, состојбата на Лу значително се подобрила. Целиот процес на лечење ќе продолжи во локалната болница во градот Нингбо откаде доаѓа жената.

Кинеските медиуми објавија снимка на која може да се забележи како оваа баба во количка излегува од болницата.