Денеска започна последниот грен слем турнир годинава, а организаторите на Отвореното првенство на Франција се соочија со големи проблеми поради лошите временски услови, дождот и ладното време.

Токму тоа и засмета на Викторија Азаренка која реагираше кај организаторот веднаш штом излезе на теренот за да игра против Црногорката Данка Ковиниќ. При резултат од 2:1 во гемови, дуелот беше прекинат поради дожд, но тенисерките не заминаа во соблекувалните туку останаа на теренот и токму поради таа одлука реагираше Азаренка.

Azarenka ain’t having it. #FrenchOpen pic.twitter.com/ZBBcq285FB

— Ben (@Jamin2g) September 27, 2020

– Мора да се шегувате, зар не гледате што се случува. Што бараме ние тука? Јас дојдов да играм, знаете дека не сум од тие што се жалат, но ова станува неверојатно смешно. Не сакам да седам тука и да се смрзнувам. Повеќе нема да чекам ниту една минута, тука е ледено-само осум степени. Јас живеам на Флорида и навикната сум на топло време – му рече Азаренка на судијата кој не го прекина мечот, а потоа и се обрати и на Ковиниќ со зборовите „Дали ти сакаш да останеш на теренот“.
„Не“, одговори Црногорката.

„Ете уште едно не. Бидејќи е смешно, бидејќи е премногу ладно. Во што е поентата да седиме тука како патки“, зборуваше Азаренка.