Авторката на Хари Потер пријавена во полиција: Намерно се обратила на трансродово лице со погрешен пол
Трансродовата водителка Индија Вилоби ја пријавила во полиција авторката на книжевниот серијал „Хари Потер“, Џ.К. Роулинг, откако таа ѝ се обратила како маж на социјалната мрежа Икс. „Таа изврши злосторство“, изјави Вилоби за телевизија Бајлајн.
„Јас сум законски жена, таа знае дека сум жена и повторно ме нарекува маж. Тоа е прекршување и на Законот за еднаквост и на Законот за признавање на полот. Таа го објави тоа на Икс (поранешен Твитер) пред 14 милиони следбеници“, рече Вилоби.
Роулинг ѝ возврати на прозивката, велејќи дека слободата на говорот е заштитена според британскиот закон, сугерирајќи дека ова „опсесивно таргетирање“ кон неа е еднакво на клевета и вознемирување.
Accurately sexing trans-identified men who send misogynistic abuse to women is not discrimination. ‘Man’ is not a slur. I know a lot of you think the UN should intervene whenever women bruise your egos, but there is no human right to universal validation. pic.twitter.com/xmQfeBEdlR
— J.K. Rowling (@jk_rowling) March 4, 2024
Да потсетиме, Роулинг ги критикуваше транс жените во женските соблекувални и одговори на еден корисник на Икс, кој ѝ испрати видеото со Вилоби, прашувајќи ја: „Здраво Џоан, значи велиш дека оваа дама треба да ја користи машката соблекувална?!“
Како одговор, Роулинг напиша: „Ми испративте погрешно видео. Нема дама на ова видео, тоа е само маж кој ужива во својата мизогинска изведба на она што тој мисли дека значи ‘жена’ – нарцисоидна, плитка и егзибиционистичка“.
„Ако Индија Вилоуби е ‘мизогин’, тогаш зошто стана жена? Размислете“, ѝ одговори корисникот.
Авторката одговори: „Индија не стана жена. Индија се претвора во мизогинска машка фантазија за тоа што е жената“.
Патем, Вилоби е првата трансродова водителка во Велика Британија.
Роулинг е многу гласна во однос на трансродноста, велејќи дека попрво ќе оди во затвор отколку да изјави дека полот не е биолошка особина одредена со самото раѓање. Претходно, таа изјави дека не сака никого да вознемири, но дека чувствува потреба да ја изрази својата загриженост за бришењето на женскиот идентитет.
We don’t leave our doors and windows wide open when we go out because ‘thieves will find a way in, anyway.’ Strangely, I’ve never heard anyone say ‘let’s stop background checking teachers, because paedophiles will always find a way to interfere with kids.’
When men – all men,… pic.twitter.com/LY708nhsea
— J.K. Rowling (@jk_rowling) March 3, 2024