Граѓаните од Кисела Вода, Аеродром и Гази Баба ќе останат без детски градинки, училишта и спортска сала бидејќи градоначалничката на Скопје Данела Арсовска донела одлука за запирање на процесот на градба преку ослободување на надомест, обвинија од ВМРО-ДПМНЕ.

Оттаму велат дека проектите кои наводно биле стопирани, претходно биле изгласани од Советот на Град Скопје. Според партијата, причината што нема да се градат проектите, било наводно тоа што задолжени за нивната реализација се  градоначалниците на ВМРО-ДПМНЕ.

Советот на Град Скопје донесе одлука за Ослободување од плаќање на надоместок за изградба на ОУ Крсте Мисирков во Гази Баба, ОУ Блаже Коневски во Аеродром, градинката Весели Цветови во Кисела Вода, градинката Изворче во Аеродром, како и изградба на затворено спортско игралиште во Пинтија Кисела Вода, но Арсовска ја стопира нивната реализација, велат од ВМРО-ДПМНЕ и бараат нејзина оставка.