Аракчи: Топката е во дворот на Америка — светот чека дали ќе ги исполни обврските
Условите на примирјето меѓу Соединетите Американски Држави и Иран се многу јасни и САД мора да изберат дали сакаат прекин на огнот или не, изјави денес иранскиот министер за надворешни работи, Абас Аракчи, јавува Џерусалим пост.
Препорачано
„Иранско-американските услови се јасни и експлицитни. САД мора да изберат, дали ќе има прекин на огнот или ќе има продолжување на војната преку Израел. Тие не можат да ги имаат и двете“, напиша Аракчи на својот профил на мрежата Х.
The Iran–U.S. Ceasefire terms are clear and explicit: the U.S. must choose—ceasefire or continued war via Israel. It cannot have both.
The world sees the massacres in Lebanon. The ball is in the U.S. court, and the world is watching whether it will act on its commitments. pic.twitter.com/2bzVlHFKgi
— Seyed Abbas Araghchi (@araghchi) April 8, 2026
Тој истакна дека целиот свет ги гледа масакрите во Либан.
„Топката е во дворот на Америка, а светот гледа дали ќе се држи до своите обврски“, објави Аракчи.
Претходно, Иран прогласи историска и разорна победа над САД и Израел по 40 дена војна, велејќи дека Вашингтон бил принуден да прифати ирански предлог кој вклучувал прекин на огнот, укинување на санкциите и повлекување на американските борбени сили од регионот.
И покрај прекинот на огнот, израелските сили започнаа жестоки напади врз Либан, погодувајќи 100 цели во рок од 10 минути. Во нападите загинаа најмалку 254 Либанци, а најмалку 1.165 беа повредени, пренесуваат медиумите во светот.
