Индиректните разговори со американските претставници во Оман беа „многу добар почеток“, рече иранскиот министер за надворешни работи, Абас Аракчи, додавајќи дека преговарачите сега мора да се консултираат со своите лидери, јави Ал Џезира.

Во разговор за иранските државни медиуми кратко по состанокот во Мускат, Аракчи рече дека претставниците од Техеран и Вашингтон се согласиле да „продолжат со преговорите“, објавија новинските агенции.

Тој исто така рече дека разговорите се одржале во „многу позитивна атмосфера. Не беа објавени дополнителни детали за темите на разговорите што траеја неколку часа, пренесува медиумот.