Издавачката куќа „Антолог“ ја објави книгата за деца „Голманката и морето“ од норвешката авторка Марија Пар. Станува збор за продолжение на книгата „Вафли во форма на срце“ од авторката, која ја нарекуваат „новата Астрид Линдгрен“.

Марија Пар е исклучителна авторка на книги за деца од Норвешка. Нејзиниот прв роман „Вафли во форма на срце“ е преведен на повеќе од дваесет и пет јазици и ги освои книжевните награди: „Сорсиер“ (Франција) во 2010 година, „Зилферен хрифел“ (Холандија) во 2008 година и влезе во потесен избор за добивање на престижната награда „Браге“ (Норвешка). Според книгата е снимена популарна телевизиска серија за деца на најгледаниот ТВ-канал во Норвешка, а се направени и неколку театарски претстави. Марија Пар е магистер по нордиски јазици и книжевност и работи како наставник во основно училиште. Живее во Норвешка со своето семејство.

Македонското издание на книгата е преведено од Искра Бадева, графички уредено од Марко Трпески, а финансиски поддржано од програмата „Креативна Европа“ на Европската Унија.

(Текстот е објавен во „Културен печат“ број 25, во печатеното издание на „Слободен печат“ на 4-5 април 2020)