Кристијано Роналдо е повторно во центарот на вниманието, Португалецот кој има уште една година од договорот со Јувентус, се поврзува со трансфер во други врвни клубови.

Претходно беше објавено дека тренерот на Реал Мадрид, Карло Анчелоти планира да го врати еден од најдобрите играчи на светот на „Сантјаго Бернабеу“.

Но, тоа денеска веднаш го демантираше стратегот на „кралевите“:

– Кристијано е легенда на Реал Мадрид и тој ја има сета моја љубов и почит. Јас никогаш не сум размислувал да го ангажираме него – напиша Анчелоти на својот Твитер профил.

После таквите информации, нови шпекулации излегуват во медиумите, според „Кориере дело Спорт“, агентот на Роналдо, Жорге Мендеш ги понудил услугите на португалскиот фудбалер на Манчестер сити.

Cristiano es una leyenda del Real Madrid y tiene todo mi cariño y respeto. Nunca me he planteado ficharle. Miramos hacia adelante. #HalaMadrid

— Carlo Ancelotti (@MrAncelotti) August 17, 2021

Петкратниот освојувач на „Златната топка“ наоѓа начин како да се раздели со „Старата дама“, а неговите опции се намалија откако Лионел Меси потпиша за ПСЖ.

И покрај силните врски со неговиот поранешен клуб Манчестер јунајтед, Роналдо е понуден на актуелниот шампион во Премиер лигата, Сити, градскиот ривал на „црвените ѓаволи“.

Понуда од 120 милиони евра за Мбапе, дали ПСЖ ќе ја прифати?