Ана Курникова објави неодолива фотографија од својата ќерка: Дали малата Мери ќе тргне по стапките на мајка ѝ?
На својот инстаграм-профил, една од најпознатите светски тенисерки Ана Курникова, која последните години целосно се повлече од очите на јавноста и се посвети на семејниот живот, објави фотографија од малата Мери Иглесијас, најмладата ќерка што ја доби со латино sвездата Енрике Иглесијас.
Во неодолив бел комплет од блузичка и фустанче, кој како да е создаден за тениските терени, малечката Мари седи насмеана на бел кауч. Можеби би била сосема вообичаена фотографија да не се знаеше дека ова е најмалото дете на славната двојка – некогаш една од најпознатите тенисерки во светот, Ана Курникова и латино sвездата Енрике Иглесијас.
Седуммесечната Мери Иглесијас седи боса на белиот кауч, а нејзината горда мајка покрај фотографијата напиша: „Вимблдон, доаѓам“, алудирајќи на тоа дека можеби нејзината наследничка еден ден ќе победи на Грен Слем турнирот, иако нејзината мајка не успеа.
Втората бременост Ана Курникова заедно со нејзиниот сопруг, 45-годишниот Енрике Иглесијас ја држеа во тајност многу успешно скоро до самиот крај.
Бременоста беше откриена случајно, кога случаен минувач ја сликал Ана со поголем труднички стомак, а потоа на 30 јануари Иглесијас објави фотографија направена во болница.
Мери Иглесијас е нивното трето дете, бидејќи тие се веќе родители на близнаците Николас и Луси кои имаат две и пол години.
Од почетокот на нивната врска, парот одлучи да го задржи приватниот живот подалеку од јавноста и интересот на медиумите и се уште се држат до тоа.