Американскиот војник Франциско Таједа од Бруклин со друштвото отишол на одмор на популарниот грчки остров Миконос на Егејското Море.

Но веќе првиот ден доживеале шок кога одлучиле да ручаат во ресторанот „DK Oyster“, кој се наоѓал веднаш покрај плажата.

Ручекот не бил посебен – шест порции лигњи, шест пива, три салати, вода и сок од домат. За тоа друштвото платило неверојатни 836 евра.

Огорчениот Американец фотографијата ја објавил на страницата Tripadvisor, жалејќи се дека за една порција лигњи платил 110 евра, а за едно шише пиво 30 евра, пишува Daily Mail .

Сопственикот на ресторанот не се засрамил поради жестоките критики и обвиненија.
„Ако не можете да си ја дозволите храната кај нас, тогаш не ја ни порачувајте. Најдете некое поевтино место“, порачал.