Педесет и четиригодишен Американец, кој бил осуден на смрт за убиство на две жени во 1996 година, вчера бил егзекутиран вчера во Флорида.

Мајкл Жак бил погубен со смртоносна инјекција околу 18:00 часот по локално време во државниот затвор Рејфорд, пренесуваат американските медиуми. Тој го изразил своето каење во пораката објавена од организација на жители на Флорида кои се противат на смртната казна.

Тој бил осуден на смрт во 1997 година за сексуален напад, силување и убиство на жена што ја запознал во бар. Тој бил прогласен за виновен и за убиство на друга жена, која исто така ја запознал во кафеана, во исто време, за што бил осуден на доживотен затвор.

Жалбите на неговите адвокати, кои тврделе дека тој има психички проблеми поради фетален алкохолен синдром, биле отфрлени, вклучително и нивната жалба до Високиот суд минатиот понеделник да се запре извршувањето.

Ова е шесто погубување во Флорида во 2023 година и вкупно 19-то во САД. Сите биле направени со употреба на смртоносни хемиски инјекции.