Амбулантско возило за гевгелиската болница од текстилната фабрика „Ноел”
Текстилниот гигант „Ноел” од Гевгелија на Општата болница со посебни потреби од Гевгелија ќе и подари ново амбулантско возило со кое ќе се збогати возниот парк во време на пандемијата со Ковид-19.
Менаџментот и вработените на компанијата оцениле дека возилото „фолксваген”, што го набавиле за сопствени потреби, во моментите на здравствена криза подобро е да се користи како амбулантско возило по што одлучиле да го донираат на Општата болница во Гевгелија под мотото „Нека им користи на сите”.
-Возилото моментно се адаптира во специјален сервис за амбулантски возила, каде ќе биде опремен со најсовремени медицински уреди и се очекува до половината на следниот месец да и биде предадено на гевгелиската болница, посочија од компанијата.
Директорот на болницата, д-р Митко Крџев рече дека донацијата за нив е многу значајна и упати благодарност до текстилната компанија „Ноел”, од Гевгелија која со гестот ја потврди својата општествена одговорност.