Алкохолот може да предизвика проблеми со здравјето: Прочитајте која е умерената доза за консумирање!
Секогаш се споменува дека алкохолот е дозволен во умерени количини, но новото истражување не ја поддржува таа изјава. Имено, едно ново истражување, претставено како дел од виртуелниот европски и меѓународен конгрес за дебелина, вели дека само половина чаша вино или пиво на ден може да доведе до дебелина, дијабетес и висок крвен притисок.
Научниците тврдат дека поради ова нема безбедна количина алкохол.
За целите на оваа студија, податоците од над 14 милиони мажи и 12 милиони жени во Јужна Кореја беа следени за две години.
Откриено е дека мажите кои пиеле половина чаша пиво или вино на ден, во просек, имале 10% поголем ризик од дебелина и метаболички синдром отколку луѓето кои никогаш не пиеле. Со две чаши вино или пиво, тој ризик се зголеми на 22% кога станува збор за дебелина и на 25% кога станува збор за метаболички синдром.
Слични податоци беа забележани кај жени. Половина чаша вино на ден го зголемува ризикот од дебелина за 9% , но ги намалува шансите за метаболички синдром. Од друга страна, по две чаши вино или пиво на ден кај жени, ризикот од дебелина се зголеми за 22% и од метаболички синдром за 18%.
„Дури и мала количина алкохол е поврзана со метаболички синдром“, рече водечкиот автор на студијата, д-р Хје Јунг Шин од Националниот медицински центар во Сеул.
Тој додаде дека ова откритие треба да го разгледаат авторите на препораки за исхрана и упатства за јавноста.