Ал Пачино на 83 години очекува дете со 54 години помладата девојка
Познатиот актер Ал Пачино кој е во љубовна врска со 54 години помладата Нур Алфалах, го очекува четвртото дете на 83 години, пренесува „Пипл“.
Имено, странските медиуми откриваат дека младата Нур (29) е во осмиот месец од бременоста, па наскоро ќе го добие првото дете со актерот.
Пачино и Алфалах се во љубовна врска од минатата година, кога парот за првпат беше забележан на заедничка, романтична вечера.
Нур Алфалах и порано била поврзувана со постари, славни личности. Нејзината последна позната врска со Мик Џегер заврши во 2017 година, а претходно беше поврзувана и со Клинт Иствуд.
Инаку, Ал Пачино од претходните врски ги има ќерката Џули (33) и 22-годишните близнаци Оливија и Антон.
ФОТО | Ал Пачино ужива во љубовта со 54 години помладата партнерка