Пол Тил, актерот познат по улогата во популарната серија „Три Хил“, почина од рак на 35-годишна возраст. Веста за неговата смрт ја објави неговата свршеница Емилија Торело на социјалните мрежи.

На актерот во април годинава му беше дијагностициран рак на панкреасот, а почина пред неколку дена во болница.

– Тој беше најгрижливиот, најинспиративниот и најљубениот човек. Пол, ти беше мојата сродна душа, мојот иден сопруг, мојата карпа и мојата иднина. Му ги наполни белите дробови со смеа, стомакот со пеперутки и срцето со љубов. Си замина прерано, во битка во која храбро се бореше – напишала неговата свршеница.

– И додека еден дел од мене умре со тебе, ти ветувам дека ќе се борам да ја најдам среќата во животот. Светот има среќа што имал моменти со тебе, а јас сум најсреќната личност затоа што можев да те наречам мој. Ќе те сакам засекогаш – додала Торело во емотивната објава.

 

View this post on Instagram

 

A post shared by Emilia Torello (@emiliatorello)

Таа за странските медиуми открила и како Тил работел на новата серија, а времето кое го поминал со колегите на сетот му помогнало да се бори со ракот.

Тил е најпознат по неговата улога во серијата „Три Хил“ каде што се појави во седмата сезона како филмската ѕвезда Џош Ејвери.

Од него се прости и неговата колешка Бетани Џој Ленц, која во серијата ја играше Хејли Џејмс Скот.

– Тој беше човек кој ќе внесуваше радост во просторијата без воопшто да се труди. Неговата насмевка, заразната смеа и љубезното срце ќе ве натераа да посакате да бидете што поблиску до него – рекла таа.