Ахмети: Изјавата на Дардишта е против каузата на ДУИ

Али Ахмети, лидер на ДУИ / Фото: МИА

Претседателот на Демократската унија за интеграција, Али Ахмети, ја осуди изјавата на поранешната директорка на заеднички служби на Клинички центар Шкодране Дардишта, пренесе Сител. Според него, таквите изјави се спротивни на каузата на партијата.

– ДУИ во каузата ја има слободата и таквите изјави не се во интерес на партијата и на каузата, рече Ахмети пред состанкот на Генералниот совет на партијата во Тетово.

Претходно од ДУИ за „Слободен печат“ посочија дека госпоѓата Дардишта зборувала за изборна битка.

– Госпоѓица Дардишта зборуваше за изборни битки, а не за војна. Таа сакаше да каже дека ДУИ е подготвена да се соочи на изборниот терен кога тоа ќе го посакаат опозициските партии. Тоа нема никаква врска со повиците за војна. ДУИ како апсолутен победник на локалните избори е подготвена секогаш кога и да се одржат парламентарните избори да влезе во трка и да излезе како победник. Чизмите подразбират подготвеност за изборен терен, рекоа од ДУИ за „Слободен печат“.

Откако се закани со војна, Дардишта не е достапна за коментар

„Слободен печат“ денеска се обиде да стапи во контакт и со Дардишта со цел да добиеме коментар за објавата, но таа не одговара на нашите повици.

– Сѐ уште ги имаме чизмите на таван во старата куќа, за час ги вадиме белите патики. Ние не сме сираци, ние сме никнале по војна. Не играјте со оган, затоа што на крај сами ќе изгорите во него, порача Дардишта на Фејсбук.

Видео на денот