Рускиот претседател Владимир Путин вчера испрати фригата вооружена со новите хиперсонични проектили „циркон“ во водите на Атлантикот, Средоземно Море и Индиски Океан.

– Му посакувам успех на екипажот на овој брод во служба на татковината. Овој пат бродот е опремен со најновиот систем хиперсонични проектили „циркон“, на кој му нема рамен – изјавил Путин во разговорот преку видео-врска со министерот за одбрана Сергеј Шојгу и со Игор Крохмал, капетанот на фрегатата „Адмирал Горшков“.

Министерот Шојгу објаснил дека „Адмирал Горшков“ ќе плови во Атлантски и во Индиски Океан, како и во Средоземно Море.

– Овој брод, вооружен со „циркони“, има капацитет да изврши птецизни и можни удари врз непријателски цели на море и на копно – изјавил Шојгу. Тој додал дека хиперсоничните проектили „циркон“ може да погодат цел на далечина од 1.000 километри, летајќи девет пати побрзо од звукот. Поради огромната брзина овие проектили е речиси невозможно да се пресретнат со современите системи за противвоздушна одбрана. Хиперсонични проекили развиваат и Кина и САД.